Sikandar Mahan Story in Hindi

Sikander Mahan

Alexander the Great :-

Sikandar (20 july 356 eesapurv se 11 jun 323 eesa purv) makaduniyan, (meshedoniya) ka grik prashasak tha. vah elekzendar trteey tatha Alexandar mesedoniyan naam se bhi jana jata hai. itihas me veh sabase kushal aur yashashvi senah pati mana gaya hai. 

Apani mirtyu tak vah us tamam bhumi ko jeet chuka tha jisaki janakari prachin grik logo ko thi. isilie use vishvavijeta bhi kaha jata hai. usane apane karyakal me iran, siriya, misr, masopotemiya, finishiya, judea, gajha, baiktriya aur bharat me panjab tak ke pradesh par vijay hasil ki thi.

Ullekhaniy hai ki uparokt kshetr us samay faransi samrajy ke ang the aur farasi samrajy sikandar ke apane samrajy se koi 40 guna bada tha. pharasi me use eskandar-e-makduni (maisedoniya ka alekzendar) aur hindi me sikandar mahan kaha jata hai.

Yunani shasak sikandar ne bharat par Aakraman 327 ee. poo. me kiya. ve bharat akar kuch rajyo me vijay prapt karake vapas laut raha tha, tab usane takshashila ke pas ek udyan me bahut se nagn jain muniyo ko tapasyarat dekha. usane apane ek dut ko bhejakar munirajon ko bulavana chaha lekin muniraj nahi aaye. tab sikandar sveyam us sthan par pahuncha aur digambar munirajon ke tap ko dekhakar bahut prabhavit hua.
 
Uname se ek kalyan muni the, jinase sikandar ne yunan me dharm prachar karane ki prarthana ki aur usake bahut agrah se kalyan muni usake sath gae. nagn rahana, bhumi shodhan kar chalana, haritakay ka viradhan na karana, kisi ka nimantran svikar na karana ityadi jin niyamo ka palan muni kalyan aur unake sabhi muni gan karate the, unase yunani bahut prabhavit the. muni kalyan jyotish shastr me nishnat the. 

Unhone bahut-si bhavishya vaniyan ki thi aur sikandar ki mirtyu ko bhi unhone pahale se ghoshit kar diya tha. in digambar jain shramano ki shiksha ka yunaniyo par vishesh prabhav pada. yunan ke Aethens shahar ( एंथेस शहर ) me kalyan muni ka samadhi sthal bana hai.

Sikander Jivan Parichey :-

Sikandar ke pita ka naam philip tha. 329 ee. poo. me apani pita ki mirtyu ke uparant vah samrat bana. vah bada shuravir aur pratapi samrat tha. vah vishvavijayi banana chahata tha. sikandar ne sabase pahale grik rajyo ko jita aur fir vah eshiya mainar (aadhunik turki) ki taraf badha. us kshetr par us samay farans ka shasan tha. faransi samrajy misr se lekar pakchimiuttar bharat tak fela tha. 

Farans ke shah dara tiritiy ko usane teen alag-alag yudho me parajit kiya. hanlanki usaki tathakathit "vishv-vijay" farans vijay se adhik nahi thi par use shah dara ke alava any sthaniy prantapalo se bhi yudh karana pada tha. misr, baiktriya, tatha adhunik tazikistan me sthaniy prtirodh ka samana karana pada tha. sikandar bharatiy abhiyan par 327 ee. poo. me nikala. 326 ee. poo. me sindhu par kar vah takshashila pahuncha. vahan ke raja aambhi ne usaki adhinata svikar kar li.

Pakchimiuttar pradesh ke anek rajao ne takshashila ki dekha dekhi aatm samarpan kar diya. vaha se puru ke rajy ki taraf badha jo jhelam aur chenab nadi ke bich basa hua tha. yudh me puru parajit hua parantu usaki virata se prabhavit hokar sikandar ne use apana mitr banakar use usaka rajy tatha kuch nae ilake die. 

yaha se vah vyas nadi tak pahuncha, parantu vaha se use vapas lautana pada. usake sainik magadh ke nand shasak ki vishal sena ka samana karane ko taiyar na the. 

vapasi me use anek rajyon (shivi, kshudrak, malav ityadi) ka bhisha pratirodh sahana pada. 325 ee. poo. me bharatabhumi chodakar sikandar bebilon chala gaya. jahan usaki mrtyu hui.